الكراسة

بلدي يا بلدي يام العجايب
فيكي بقضي ايامي نايم
مش عارف ايه السبب
بس اللي اعرفه ان العجب عمره ما عجب
بصيت من الشباك لقيتك يا بلدي هناك
قاعدة على الارض بتبيع وتشتري
وحالك يصعب عالعادل والمفتري
نزلت من البيت لقيتك قاعدة في الغيط
قاعدة محتاسة مش عارفة معنى الدراسة
سالت نفسي ليه لقيتك ماسكة الكراسة
فقلت يبقى كويس اكيد فيه دراسة
ببص في الكراسة لقيت شوية خطوط
لا ليها معنى ولا حتى ليكي صوت
صوت يوضح الخطوط اللي مالية الكراسة
خطوطك ما بتدل الا على تخلف الاستاذة
الاستاذة اللي ماسكة العصا وبترضع ابنها بالبزازة
قلت يمكن تكون دي حالة خاصة
وسميتها حالة الاستاذة
بلف في المدرسة ما لقيت ولا مدرسة
ولقيتك يا بلدي لسا بتلعبي في الكراسة
وانتي لا عارفة تمسكي لا قلم ولا حتى الكراسة
دققت النظر في خطوط الكراسة
لقيتك يا بلدي كنتي قالبة الكراسة
قعدت افك خطوطك المحتاسة
لقيتك يا بلدي قاعدة في جنازة
ولقيتك كمان في نكسة وانتكاسة
قلت فين ايامك يا علي باشا
واحمس كمان و مينا وسقارة
ومقدرتش اكمل قراية الكراسة
وقلت انا ايه بس اللي خلاني اقوم من اساسة
مانا كنت نايم في بيتنا وقاعد في استراحة
وحلفت يوميها مانا نازل من بيتنا تاني
ولا انا حتى فاتح اي كراسة

تحياتي للجميع
.....................
احمد صلاح
.....



ودمتم بخير اعزائي :)

4 همس الاحباب:

أميرة الأحلام يقول...

موضوع جميل واختيار لكلمات اجمل
احييك على هذا الموضوع الرائع
تحياتى لك

ghada mOhsen يقول...

بجد كلمات حلوه ..
والمضمون الذى يتخلل حروفك اروع ...
بجد تسلم يااحمد ...
منتظره جديدك بإستمرار ...
... ;) ,,, ;) ...

TKOsir يقول...

اميرة الاحلام......
بجد نورتي الموضوع
مرورك الاجمل
تحياتي

TKOsir يقول...

Ghada mOhsen....
ربنا يخليكي يا رب
اسعدني مرورك
ان شاء الله يكون في جديد على طول .... :)
نورتيني...

إرسال تعليق